"Максатыма жеттим". "Жылдын мыкты тарбиячысы" Гульназа 10 жылдан бери бала бакчада иштейт

"Жылдын мыкты тарбиячысы" сынагынын жеңүүчүсү Гульназа Туленбаева 10 жылдан бери тарбиячы болуп иштеп келе жатат. Учурда ал Ош шаарындагы №39 “Күн нуру” бала бакчасында эмгектенет.

Тарбиячылардын республикалык сынагына 7 дубандан 7 тарбиячы катышты.

"Ош шаарында сынак май айында башталып, 3 этап менен өткөн. Ал жактан биринчиликти алып республикалык сынакка келдим. Бишкекте сынак 3 тур менен өттү. Биринчи этап презентация, 2-этап тест, сынактын 3-этабы №182 бала бакчада болуп, анда ачык саат өттүк.

Сынак ачык болду. Жеңем деп келдим эле максатыма жеттим", - деп кубанычы менен тең бөлүштү Туленбаева.