"Чек талап кылып, байге утуп ал!": 2-турда утушка ээ болбогон билеттер үчүнчү турга катыша алат

Салык кызматынын "Чек талап кылып, байге утуп ал!" кызыктыруучу лотереясынын 1 жана 2-турунда байге утпаган катышуучуларынын электрондук билеттери үчүнчү утушка катышуу укугун сактап калышат.

Мекеменин маалыматына таянсак, үчүнчү лотереялык утуш ушул жылдын 30-декабрында өтөт.

Эгерде бир билет байгелүү болгон болсо, анын ээси лотереянын кийинки этабына андан ары катышуу укугунан ажырайт.

Үчүнчү турга 2022-жылдын 1-октябрынан 29-декабрына чейин берилген кассалык чектер, ошондой эле биринчи жана экинчи турда ыйгарылып, утушка ээ болбой калган ID номерлер катышат.

Лотереяга катышуу үчүн смартфонго "Салык чек" мобилдик тиркемесин жүктөп алып, каттоо жол-жобосунан өтүү зарыл. Андан соң товарларды сатып алууда же кызмат көрсөтүүлөрдү пайдаланууда милдеттүү түрдө берилүүчү кассалык чектердин QR-кодун сканерден өткөрүү жетиштүү.