Гүлнур Сатылганова КМШ өлкөлөрү боюнча тандоодо “Айкөл Манас - Жылдын адамы” наамына ээ болду

Кечээ, 5-декабрда Т.Сатылганов атындагы Улуттук филармонияда КМШ өлкөлөрү тарабынан жыл сайын өткөрүлүүчү “Жылдын адамы - Жылдын тандоосу” долбоору болуп өттү. Бул жылы Кыргызстандан заманбап кыргыз эстрадасынын өнүгүшүнө салым кошкондугу үчүн  “Айкөл Манас - Жылдын адамы” наамына Гүлнур Сатылганова ээ болду.

Ырчыга байланышканыбызда “Мага бир жума мурун чалып, концертке келип ырдап бербейсизби” деп суранышканынан макулдугумду берген элем. Кечээ барып "Асман" деген ырымды ырдадым. Бир убакта мени сахнага чакырып, бул наамды тапшырышты. Чынында, бул мен үчүн күтүлбөгөн, жагымдуу белек болду. Менин ийгилигим - кыргыз элимдин ийгилиги!" деп кубанычы менен тең бөлүштү. 

Эске салсак, эл аралык статустагы бул тандоо Кыргызстанда, Казакстанда, Өзбекстанда, Украина жана Беларуста өткөрүлүп келет. Наамдар маданият, искусство, бизнес, медицина, спорт тармагына салым кошкон инсандарга ыйгарылат.