Жекшембиде Бишкектин айрым көчөлөрү убактылуу жабылат (Тизме)

9-октябрда Бишкектин айрым көчөлөрү убактылуу жабык болот. Бул тууралуу калаа бийлигинен маалымдашты.

Билдирүүдө айтылгандай, саат 6:00дөн баштап “Ак илбирсти сактайлы” эл аралык жарышынын өтүшүнө байланыштуу марафондун катышуучулары чуркай турган көчөлөр тосулат.

Убактылуу жабыла турган көчөлөр:

Чүй кең көчөсү Манас кең көчөсүнөн Ю.Абдрахманов көчөсүнө чейин;
Абдрахманов (Совет) көчөсү Чүй кең көчөсүнөн Иманалиев көчөсүнө чейин;
Иманалиев көчөсү Абдрахманов көчөсүнөн Ч.Айтматова кең көчөсүнө чейин;
Масалиев көчөсү Абдрахманов көчөсүнөн Ч.Айтматов кең көчөсүнө чейин;
Айтматов көчөсү Иманалиев көчөсүнөн Чүй кең көчөсүнө чейин.

Шаардык мэрия келтирилген ыңгайсыздык үчүн кечирим сурайт жана маршрутту алдын ала пландаштырып алууну суранат.