"Мамлекет чечет да". Депутат чек ара боюнча этият мамиле кылууга чакырды

Чек ара боюнча маселени мамлекет чечет жана ушуга ынануу керек. Мындай пикирин Жогорку Кеңештин депутаты Жаныбек Кыдыкбаев Жогорку Кеңештин жыйынында айтты.

"Чек ара боюнча кичине этият мамиле кылсак. Раматылык Чубак ажыбыз (Чубак Жалилов) "Чек ара маселесин билбесең аралашпа же болбосо берип болсо дагы чечкиле" деп айткан. Тарыхка кайрыла кетсек, Акаев убагында Үзөңгү-Кууш менен Кытай чек арасын чечкенбиз. Бүгүнкү күндө тынчпыз. Бакиевдин убагында Каркыра, Токмоктогу, Таластагы жерлер чечилди, бүгүнкү күндө тынч жашап жатабыз. Анан азыр кээ бир коллегаларыбыз элди дүрбөлөңгө салып эле "өтүп кетти, кетти" эле деп жатат. Мамлекет чечет да муну, ошого ынанбайлыбы. Элди тынчтыкка чакырбайлыбы", - деди ал.