Баасы 240 000 сом. Чүйдө асыл тукум уйду уурдаган 31 жаштагы жаран кармалды

Сокулук районунда бодо мал уурдаган жаран кармалды. Бул тууралуу SUPER.KG порталына Чүй ОИИББнин басма сөз кызматынан билдиришти.

Маалымдалгандай, милицияга Б.С. аттуу жаран арыз менен кайрылган. Анда үстүбүздөгү жылдын 10-октябрында Сокулук районунун Фрунзе айылындагы үйүнөн белгисиз жарандар баасы 240 000 сом турган сүт багытындагы асыл тукум уюн уурдап кетип, материалдык чыгым келтиргенин билдирген.

Аталган окуя боюнча Кылмыш-жаза кодексинин 205-беренеси (Уурулук) менен кылмыштардын бирдиктүү реестрине катталып, кылмыш иши козголгон.

Ыкчам-иликтөө иштеринин натыйжасында бул кылмышты жасаган адам 1991-жылы туулган А.Д. экендиги такталып, ал жаран кармалып убактылуу кармоо жайына киргизилди. Учурда тергөө амалдары жүргүзүлүүдө.