"Бирөөнүн батирин ижарага берип салган". Шектүү катары 26 жаштагы жаран кармалды

Бишкекте ижарага алган батирди башка бирөөгө ижарага берип салган жаран кармалды. Бул тууралуу SUPER.KG порталына Октябрь райондук милициясынан билдиришти.

Маалым болгондой, 28-сентябрда С.Н. аттуу кыз милицияга арыз менен кайрылган. Анда Н. аттуу жаранга чара көрүүнү сураган. Анткени Панфилов көчөсүндөгү көп кабаттуу үйдөн батирди ижарага алып, үйдүн ээси менен жолугуп, 34 миң сом берген. Бирок ал батирди бир суткага эле ижарага алганы белгилүү болду.

Аталган факты каттоого алынып, Кылмыш-жаза кодексинин 209-беренеси (алдамчылык) боюнча кылмыш иши козголгон.

"Шектүү 26 жаштагы Ш.Н. аттуу жаран болуп, ал Ош облусунан табылып, тергөө кызматына жеткирилген. Ал Бишкектеги №1 тергөө абагына эки айга камакка алынды", - деп айтылат билдирүүдө.

Кармалган жарандын жанынан бир катар сим-карта жана уюлдук телефондор алынган.