Мектеп директорлорун тандоо: Сынактын III айлампасы жарыяланды

Мамлекеттик жана муниципалдык жалпы билим берүү уюмдарынын жетекчилеринин бош кызмат орундарын ээлөөгө сынактын үчүнчү айлампасы жарыяланды. Бул тууралуу Билим берүү жана илим министрлиги кабарлайт.

Маалыматка таянсак, сынакка катышуу үчүн талапкер документтерди 27-октябрдан 14-ноябрга чейин тиешелүү облустун электрондук дарегине жөнөтөт:

Жалал-Абад облусу - konkurs3.ja.2022@gmail.com
Ысык-Көл облусу - konkurs3.ik.2022@gmail.com
Нарын облусу - konkurs3.naryn.2022@gmail.com
Ош облусу - konkurs3.osh.2022@gmail.com
Талас облусу - konkurs3.talas.2022@gmail.com
Чүй облусу - konkurs3.chui.2022@gmail.com

Эске салчу жагдай: Документтерди өз убагында тапшырбай калуу же толук берилбеши талапкерди сынактан четтетүүгө негиз болуп эсептелет.

Облустар боюнча бош орундардын саны:

Ысык-Көл облусу – 17
Нарын облусу – 10
Чүй облусу – 59
Талас облусу – 14
Жалал-Абад облусу – 105
Ош облусу – 101

Бишкек, Ош шаарларында жана Баткен облусунда конкурстун үчүнчү айлампасын өткөрүү жакынкы күндөрү белгилүү болот. Ал эми тестирлөөнүн графиги жөнүндө кошумча маалымат берилет.