"Кыргыз темир жолу" ишканасы 9 айдын ичинде 270 миңден ашуун жүргүнчү ташыды

"Кыргыз темир жолу" мамлекеттик ишканасы 2022-жылдын 9 ай ичинде жалпысынан 271 миң 461 жүргүнчү ташыды. Бул тууралуу аталган ишкананын басма сөз кызматынан кабарлашты.

Анын ичинен 73 миң 851 жүргүнчү - эл аралык каттамдар менен, 197 миң 610 жүргүнчү - ички каттамдар менен ташылган. Эл аралык каттамдар ушул жылдын 6-июнунан тарта кайрадан жанданып, июнь айынан сентябрга чейин жалпысынан 73 851 жүргүнчү ташылган.

Өлкө ичинде ташылган 197 миң 610 жүргүнчүнүн ичинен:

1. "Бишкек-1 – Токмок" багыты боюнча 55 миң 002 жүргүнчү, күнүгө каттайт;

2. "Бишкек-2—Кайыңды" багыты боюнча 123 миң 424 жүргүнчү, күнүгө каттайт;

3. "Бишкек-2 – Рыбачье" багыты боюнча жалпысынан 19 миң 184 жүргүнчү, анын ичинен 917 жүргүнчү модернизацияланган вагон менен ташылган.