Таалатбек Масадыков Кабулга иш сапары менен барды

6-ноябрда президенттин өзгөчө тапшырмалары боюнча атайын өкүлү Таалатбек Масадыков Ооганстандын Кабул шаарына иш сапары менен барды. Бул тууралуу ТИМден билдиришти.

Кабарлангандай, иш сапардын алкагында Масадыков Ооганстандын де-факто бийлигинин башкармалыгы менен жолугушууларды өткөрдү.

"Сапардын жүрүшүндө АИЭнин биринчи вице-премьер-министринин милдетин аткаруучу Абдулом Гани Барадар, вице-премьер-министрдин милдетин аткаруучу Абдул-Салам Ханафи жана тышкы иштер министринин биринчи орун басарынын милдетин аткаруучу Шер Мохаммад Аббас Станикзай менен жолугушуулар болуп өттү.

Анда регионалдык коопсуздук жана эки тараптуу соода-экономикалык, маданий байланыштарды өнүктүрүү боюнча жана транспорттук жолдорду жана ооган элине гуманитардык жардам көрсөтүүнүн мүмкүнчүлүктөрүн талкуулашты", - деп жазылат маалыматта.