"Улуттук энергетикалык холдинг" электр жарыгынын өчүрүлүшү боюнча түшүндүрмө берди

Бүгүн, 10-ноябрда республиканын энергетика тармагында керектөөчүлөрдү электр энергиясы менен камсыздоодо үзгүлтүктөр байкалды. Бул боюнча "Улуттук энергетикалык холдинг" ишканасы билдирди.

Билдирүүдө айтылгандай, абанын температурасынын кескин төмөндөшүнө байланыштуу электр энергиясын керектөөнүн бир кыйла өскөндүгү байкалды.

"Электр жабдыктарындагы жүктөмдүн жогорулашына байланыштуу жабдууларды мүмкүн болгон авариядан сактап калуу максатында автоматтык өчүрүүлөр болгон.

Улуттук энергетикалык холдинг убактылуу ыңгайсыздык үчүн кечирим сурайт жана түзүлгөн кырдаалга түшүнүү менен мамиле кылууну өтүнөт. Ошол эле учурда биз дагы калкты электр энергиясын этияттык менен колдонууга, көп учурда энергияны көп талап кылган электр шаймандарын күйгүзбөөгө жана жылытуунун альтернативдүү түрлөрүнө өтүүгө чакырабыз", - деп жазылган билдирүүдө.

Ошондой эле учурда энергетика системасында абал турукташканын кошумчалаган.