"Туура түшүнө туруңуздар". Электр жарыгы маал-маалы менен өчүрүлөрү айтылды

Токтогул ГЭСинде реконструкциядан өткөн №2 агрегат ишке киргизилип жаткандыгына байланыштуу жарык маал-маалы менен өчүрүлүп турат. Бул тууралуу бүгүн, 10-ноябрда "Электр станциялары"ачык акционердик коомунун директору Айбек Айдаралиев маалымат жыйында билдирди.

"Биз агрегатты 15-ноябрда ишке киргизмекпиз. Бирок суук эрте түшкөндүгүнө байланыштуу эртерээк ишке берүүнү чечтик. Ошондуктан анын жанындагы агрегаттарды дагы өчүрүүгө туура келип жатат. Азыр ошол жерде иштер катуу жүрүүдө. Ушуга байланыштуу электр жарыгын маал-маалы менен өчүрүүгө туура келип жатат. Агрегатты ишке киргизип алсак, буюрса, баары өз калыбына келет", - деди Айдаралиев.

Белгилей кетсек, 9-ноябрдан 10-ноябрга караган түнү Бишкектин бир катар аймактарында электр жарыгы өчкөн.