Министрлик: "Эмгек акы салыктык кирешелердин негизинде гана көбөйтүлүүдө"

Эмгек акы салыктык кирешелердин негизинде гана көбөйтүлүүдө. Бул тууралуу Финансы министрлигинин маалымат кызматынан билдиришти.

Маалымдалгандай, ушул жылдын 1-апрелинен тартып социалдык чөйрөнүн кызматкерлеринин эмгек акысын жогорулатуу боюнча төмөнкү милдеттер коюлган:

• 1-апрелден баштап социалдык тармактын кызматкерлеринин эмгек акысы орточо 50 пайыздан 100 пайызга чейин жогорулатылган. Тогуз айга кошумча керектөөчү каражат 26 миллиард сомду түзүп, ал эми бир жылга 34,2 милиард сом талап кылынат.
• 1-августтан тартып мамлекеттик кызматкерлер, күч блогунун бош жалданган жана жарандык персоналына эмгек акысы жогорулап, кошумча керектөөчү каражат беш айга 7 миллиард сом түзүп, ал эми бир жылга 16,8 миллиард сом талап кылынат.

Ушул жылдын 1-октябрынан тартып прокуратура органдарынын системасынын кызматкерлерин кошпогондо, аскер кызматчыларга жана укук коргоо органдарынын кызматкерлерине кызмат үчүн үстөктөрдү жылдык эмгек акынын фондунун 80 пайызына чейин жогорулатуу каралган.