Милиция калаадагы чет өлкөлүк студенттерге түшүндүрүү иштерин жүргүзүүдө

ИИМдин Кылмыш иликтөө башкы башкармалыгынын экинчи башкармалыгынын ыкчам кызматкерлери тарабынан чет өлкөлүк студенттердин арасында түшүндүрүү иш-чаралары өткөрүлүүдө. Бул жөнүндө Ички иштер министрлигинин басма сөз кызматынан билдиришти.

Иш-чара кечээ, 16-ноябрда болуп, анда милиция кызматкерлери эл аралык жогорку медициналык окуу жайда окуп жаткан Пакистандан жана Индиядан келген студенттерге коопсуздук чаралары жөнүндө айтып беришкен.

Ошондой эле чет өлкөлүк студенттерди түнкүсүн көчөдө максатсыз жүрбөөгө жана ири суммадагы акча каражаттарын алып жүрбөөгө үндөштү. Мындан тышкары Кыргыз өлкөсүнүн мыйзамдарын бузгандыгы үчүн жоопкерчилик чоң экендигин түшүндүрүп беришти.

Эскерте кетсек, жакында чет элдик студенттер борбор калаанын борборунда массалык мушташ уюштурушкан. Ага карата кылмыш иш козголгон жана кээ бирлери окуу жайлардан чыгарылган.