Куурчак театрынын директору кырсыкка кабылды. Ага жардам керек

Муса Жангазиев атындагы Кыргыз мамлекеттик куурчак театрынын директору Болот Куланбаев жубайы менен жол кырсыгына кабылды. Мындай маалымат театрдын социалдык тармактардагы баракчасына жарыяланды.

Маалыматка ылайык, Болот Куланбаев жана анын жубайы учурда Бишкек шаарындагы "Тез жардам" ооруканасында жатат. Ага бир эле убакта эки бутуна операция жасалат.

"Кийинки жумада эки бригада дарыгерлер бир убакта эки бутуна операция жасашат. Ошондон улам Болот Куланбаевге тез арада кан, операцияга каражат жана реабилитациядан кийинки мезгилге майыптык коляска керек. Урматтуу кесиптештер, мекеме жетекчилери, сиздер ал үчүн бул оор мезгилде четте калбайсыңар деп ишенебиз”, - деп жазылат маалыматта.