Жогорку Кеңеште бир катар министрлер ант беришти

Бүгүн, 17-ноябрда Жогорку Кеңеште министрлер кабинетинин бир катар мүчөлөрү ант беришти. Жыйынга өлкө башчы Садыр Жапаров катышууда.

Мамлекет башчынын жана Жогорку Кеңештин депутаттарынын катышуусунда министрлер кабинетинин төмөнкү мүчөлөрү ант беришти:

- тышкы иштер министри Жээнбек Кулубаев;

- саламаттык сактоо министри Гүлнара Баатырова;

- транспорт жана коммуникациялар министри Тилек Текебаев;

- энергетика министри Таалайбек Ибраев;

- маданият, маалымат, спорт жана жаштар саясаты министри Алтынбек Максутов.

Белгилей кетсек, бүгүнкү жыйында кыргыз-өзбек мамлекеттик чек арасы боюнча келишимдин долбоору каралат.