Камчыбек Ташиев чек ара тууралуу: "Бизди эл көйгөйдү чечүү үчүн алып келген"

Улуттук коопсуздук боюнча мамлекеттик комитеттин төрагасы Камчыбек Ташиев кыргыз-өзбек чек ара маселеси боюнча үн катты.

Камчыбек Ташиев кыргыз-өзбек чек арасы толугу менен чечилгенин, эми президенттер кол койсо зым тосмолорду орнотуу башталарын айтты.

"Буга чейин деле канчалаган президенттер өттү. Союз маалында деле, Союздан кийин деле көптөгөн биздин жакшы жетекчилер өттү. Бирок алар Кыргызстан-Өзбекстан чек ара маселесин чече алышпады. Ар түрдүү, анын ичинде саясий-экономикалык тоскоолдуктар болуп калды же кимдир-бирөөнүн эрки жетпей калды.

Кечээ деле биз ушул маселени өткөзөрдүн алдында кыйын болуп жаткан жигиттерден 5-6оо келди. Мага да келди, президентибизге дагы барды. Алар "Ушуга тийбей эле койбойсуңарбы, эмне кыласыңар башыңарды оорутуп. Кийинки келгендер чечип алсын. Унчукпай эле таштап койгула, эмне кыласыңар жаман-жакшы көрүнүп" деп айтышты. Биз "Чечишибиз керек" деп айттык. Мамлекеттин көйгөйүн чечишибиз керек, бизди эл чечүү үчүн алып келген. Мамлекеттин пайдасына кыргыз-өзбек чек арасын чечип алдык", - деди Камчыбек Ташиев.