Казакстанда 2023-жылы парламенттик шайлоо өтөт

Казакстанда 2023-жылдын 14-январь күнү парламенттик шайлоо өтөт. Тиешелүү жарлыкка президент Касым-Жомарт Токаев кол койгонун аталган өлкөнүн басылмалары жазды.

Даярдык иштери үчүн президент бир катар тараптарга тапшырмаларды берген.

Казакстанда ушул жылдын башында январь айындагы нааразылык акцияларынан кийин Касым-Жомарт Токаев мамлекетте бир катар өзгөрүүлөрдү жасап, анын ичинде Баш мыйзам кайра жазылган.

Мунун негизинде мөөнөтүнөн мурда президенттик шайлоо өтүп, Касым-Жомарт Токаев кайрадан шайланып келди. Ага шайлоочулардын 81,31 пайызы добуш берген. Президенттин ант берүү салтанаты 26-ноябрда өткөн.

Ошондой эле жаңы Баш мыйзамга ылайык, Казакстан парламентине да мөөнөтүнөн мурда шайлоо өтөт.

Ал эми жергиликтүү бийликке жана төмөнкү палатага шайлоо өткөрүү июнь айына пландалган.