Бишкекте түнкү клубда ок атууга шектүү жарандар кармалды

Бишкекте бейбаштыкка шектелген жарандар кармалды. Бул тууралуу бүгүн, 5-декабрда Октябрь РИИБинин басма сөз кызматынан кабарлады.

Маалыматка ылайык, 4-декабрда райондук милицияга Ж.Т. аттуу жаран кайрылып, ошол түнү болжол менен саат 03:30да Ч.Валиханов көчөсүндөгү түнкү клубда пикир келишпестиктен улам белгисиз адамдар травматикалык курал колдонуп денесине залал келтиргенин айтып, арыз менен кайрылган.

Аталган факты боюнча Кылмыш-жаза кодексинин 280-беренесинин (Бейбаштык) негизинде кылмыш иши козголгон.

Кылмышка шектелип 1985-жылы туулган З.М. жана 1988-жылы туулган М.В. аттуу жарандар кармалып, убактылуу кармоочу жайга киргизилген. Учурда тергөө уланууда.