Владимир Путин Садыр Жапаровду туулган күнү менен куттуктады

Орусиянын президенти Владимир Путин өлкө башчы Садыр Жапаровду туулган күнү менен куттуктады. Бул тууралуу президенттин маалымат кызматынан кабарлады.

"Орусия өлкөлөрүбүздүн ортосундагы союздаштык жана стратегиялык өнөктөштүк мамилелерди өнүктүрүү, евразиялык мейкиндикте интеграциялык процесстерди алдыга жылдыруу, ошондой эле КМШ, ЖККУ жана ШКУ алкагындагы өз ара аракеттенүү боюнча аракеттериңизди жогору баалайт", - деп айтылат куттуктоо телеграммасында.

Путин Орусия менен Кыргызстандын дос элдеринин жыргалчылыгы үчүн эки тараптуу жана аймактык күн тартибиндеги актуалдуу маселелер боюнча диалогдун жана биргелешкен иштин уланышына ишенерин айткан, ошондой эле Садыр Жапаровго чың ден соолук, бакубатчылык жана мамлекеттик ишмердигинде ийгиликтерди каалаган.

Белгилей кетсек, мамлекет башчысы бүгүн 54 жашка толду.