“Улуу көчмөндөрдүн мурасы” улуттук холдинги жоюлат

"Улуу көчмөндөрдүн мурасы" улуттук холдинги жоюлат. Бул тууралуу депутат Дастан Бекешев билдирди.

"Холдинг жоюлат. Акча жумшалды, долбоорлор жазылды, адаттагыдай эле эч ким жоопко тартылбайт", - деп билдирди ал.

Эске салсак, “Улуу көчмөндөрдүн мурасы” улуттук холдинги 2021-жылдын аягында түзүлгөн. Ал кезде холдингдин жетекчиси болуп Теңиз Бөлтүрүк дайындалган. Кийинчерээк холдинг тоо-кен өнөр жайы, гидроэнергетика, билим берүү, туризм жана башка тармактарда 30дан ашык ири долбоорлорду ишке ашырууну көздөп жатканы маалымдалган.

Холдингге бөлүнгөн 3 миллиард 400 миллион сом бюджетке кайтарылган.