Араванда мектеп өрттөндү

Ош облусунун Араван районундагы Керме-Тоо айыл аймагында жайгашкан Гүлбаар атындагы №48-орто мектебинен өрт чыкты. Бул тууралуу 8-декабрда ӨКМнын басма сөз кызматы билдирди.Маалыматка ылайык, 2013-жылдын 7-декабры күнү, кечки саат саат 21:48де аталган мектепте өрт кырсыгы катталган.Өрттүн кесепетинен мектептин 240 чарчы метр чатыры, 6 окуу классы, коридорунун 40 чарчы метри, 20 даана парта, 40 даана стул, 7 даана терезе жана 10 даана пластик эшик күйгөн.

Өрттү өчүрүүгө №64-ӨКБнөн 1 бөлүм, №12-АӨКБнөн 1 бөлүм жана айыл тургундарынан 50 адам тартылып, 2013-жылдын 8-декабры күнү саат 00:45де өрт толугу менен өчүрүлгөн.

Өрттүн чыгуу себеби, андагы класстарды жылытуучу мештердин жана морлордун туура эмес түзүлүшүнөн улам болгон. Бактыга жараша адам өмүрүнө зыян келген эмес.