Өлкөдө соңку аптада 10 адам коронавирус илдетин жуктуруп алды

Өлкөдө соңку аптада (5-декабрдан 11-декабрга чейин) COVID-19дун 10 жаңы учуру аныкталды. Бул тууралуу Оорулардын алдын алуу жана мамлекеттик санитардык-эпидемиологиялык көзөмөлдөө департаменти билдирди.

Маалыматка ылайык, алардын ичинен 2 бейтап - ооруканага жаткырылган, 8и амбулатордук дарыланууда.

5-декабрдан 11-декабрга чейин тобокелдикти баалоо матрицасына ылайык, бардык аймактар ​​жашыл зонада турат. Акыркы жумадагы эффективдүү репродуктивдүү сан 1ден аз, бул өлкөдө COVID-19 боюнча туруктуу эпидемиологиялык абалды көрсөтүп турат.

2022-жылдын 11 ай 11 күнүндө жалпысынан COVID-19 инфекциясынын 21 806 учуру катталды, анын ичинен 19 796 (90,8 пайыз) учур лабораториялык тастыкталган жана 2010у (9,2 пайыз) клиникалык жана эпидемиологиялык тастыкталган.