Кытайдын ЖОЖдорунда гранттык негизде окууга сынак узартылды

Кытайдын жогорку окуу жайларына гранттык негизде окууга сынак узартылды. Бул тууралуу Билим берүү жана илим мирнистрлиги билдирет.

"2023-2024-окуу жылында Кытай Эл Республикасынын жогорку окуу жайларында билим алуу үчүн бакалавриат, магистратура, докторантура программалары жана тил такшалмасы боюнча стажировка өтүү үчүн сынакка катышууга өтүнмөлөрдү жана документтерди кабыл алуу 2022-жылдын 15-декабрына чейин узартылды", - деп айтылат маалыматта.

Каалоочулар http://student.edu.gov.kg/ онлайн системасындагы “2023-2024-окуу жылында Кытайдын жогорку окуу жайларына кабыл алуу” бөлүмүнө катталып, формаларды толтуруп, ошондой эле талап кылынган бардык документтерди жүктөшү керек.

Шарттар жөнүндө толугураак - https://edu.gov.kg/announcements/165/