Караколдо өспүрүмдөр арасында кышкы оюндар мелдеши өтөт

Каракол шаарында өлкөдөгү балдар-өспүрүмдөр спорттук мектептеринин тарбиялануучуларынын арасында “Мен чемпионмун” республикалык оюндары өтөт.

Маданият, маалымат, спорт жана жаштар саясаты министрлиги билдиргендей, мелдеш 26-декабрда башталып, 28-декабрга чейин болот.

Анда спорттун төмөнкү түрлөрү боюнча жарыш өткөрүлөт:

1. Лыжа спорту слалом;
2. Хоккей;
3. Лыжа жарышы.

Мелдештин жеңүүчүлөү медаль, диплом жана акчалай сыйлыктар менен сыйланышат. Жалпы байге фонду 1 050 000 сомду түзөт.

1-орун - 200 000 сом;
2-орун - 100 000 сом;
3-орун – 50 000 сом.

Белгилей кетсек, мелдеш Маданият, маалымат, спорт жана жаштар саясаты министрлигине караштуу Дене тарбия жана спорт департаменти, жергиликтүү өз алдынча башкаруу органдары жана спорт федерациялары менен биргеликте өткөрүлөт.