Чочко тумоосубу? Бишкектеги ооруканада 5 жаштагы бала чарчап калды

Бишкектеги Эне жана баланы коргоо борборунда фирустук инфекция менен 5 жаштагы бала чарчап калды. Мындай маалыматты SUPER.KG порталына Саламаттыкты сактоо министрлигинен тастыкташты.

Маалыматка ылайык, бейтап ооруканага кечээ, 22-декабрда оор абалда түшкөн.

"Бала үстүбүздөгү жылдын 22-декабрында Эне жана баланы коргоо улуттук борборуна вирустук инфекциянын белгилери менен өтө оор абалда түшкөн. Өзгөчө штаммдын бар экендиги аныкталган эмес, оорулуу курч респиратордук вирустук инфекция менен ооруканага жаткырылган. Баланын буга чейин тубаса жүрөк оорусу бар болгон. Вирустук инфекция жүрөк-кан тамыр системасынын оорлошуусуна алып келди.

Бул факты учурда комиссия тарабынан каралып жатат жана кошумча маалымат берилет", - деп билдиришти министрликтен.

Белгилей кетсек, буга чейин социалдык тармактарда 5 жаштагы бала чочко тумоосунан каза болду деген маалымат тараган.