Жаза аткаруу кызматынын полковниги Илимбек Самсалиев көз жумду

Жаза аткаруу кызматынын полковниги Илимбек Самсалиев мезгилсиз дүйнө салды. Бул тууралуу мекемеден кабарлашты.

Ага ылайык, ал катуу оорудан улам көз жумган.

Самасалиев Советтик армиянын катарында кызмат өтөп келгенден кийин 1993-жылы ИИМ жана Жаза аткаруу тутумунун органдарында иштеп, №34 жатак абагынын нөөмөтчүсүнөн №47 мекеменин башчысынын режим жана көзөмөл боюнча орун басарына чейин жеткен.

Ал 2007-жылы Бишкек шаарындагы Исках Раззаков атындагы Кыргыз мамлекеттик техникалык университетин аяктаган. Кызматтык милдеттерин үлгүлүү аткаргандыгы үчүн офицер бир нече жолу ведомстволук сыйлыктар, Ардак грамоталар жана медалдар менен сыйланган.

"Оор жоготууга байланыштуу анын үй-бүлөсүнө жана жакындарына терең кайгыруу менен көңүл айтабыз" деп айтылат маалыматта.