Бүгүн Бишкекте президенттик балаты өтөт

Бүгүн Бишкекте президенттик балаты өтөт. Иш-чара Токтогул Сатылганов атындагы Кыргыз улуттук филармониясында өтүп, ага президент Садыр Жапаров катышат. Бул тууралуу президенттин маалымат кызматынан билдиришти.

Иш-чарага өлкөнүн бардык аймактарынан 8 жаштан 14 жашка чейинки 1100 бала чакырылды.

Анын ичинде окуунун отличниктери, олимпиадалардын, эл аралык сынактардын жана турнирлердин жеңүүчүлөрү, балдар үйлөрүнүн тарбиялануучулары, кызматтык милдеттерин аткарууда курман болгон укук коргоо органдарынын кызматкерлеринин жана аскер кызматчыларынын балдары, аз камсыз болгон үй-бүлөлөрдүн балдары, ошондой эле ден соолугунун мүмкүнчүлүгү чектелген балдар бар.

Жаңы жылдык концерттик театралдаштырылган программа УТРК, республикалык жана облустук телеканалдардын, ошондой эле социалдык түйүн баракчаларынын түз эфиринде чагылдырылат.

Башталышы – саат 10:55.