Адахан Мадумаров айткан мыйзамсыз иштерди иликтөө үчүн депутаттык комиссия түзүлдү

Жогорку Кеңештин депутат Адахан Мадумаровдун демилгеси боюнча өлкө мыйзамдарынын жана адам укуктарынын одоно бузулушу боюнча депутаттык комиссия түзүлдү. Бул тууралуу парламенттин бүгүнкү, 29-декабрдагы жыйыны учурунда белгилүү болду.

Анын курамына ар бир фракциядан жана топтон бирден депутат кирди.

Алардын тизмеси:

- Гуля Кожокулова (Бүтүн Кыргызстан);

- Чыңгыз Ажибаев ("Элдик");

- Айбек Осмонов ("Мекенчил");

- Динара Ашимова ("Ыйман Нуру");

- Жылдыз Таалайбек кызы ("Ишеним");

- Шайлообек Атазов ("Ата-Журт Кыргызстан");

- Чыңгыз Айдарбеков ("Альянс").

Бир гана "Ынтымак" фракциясынан өкүл кошулган жок. Анткени, аталган фракциянын депутаттары бүгүнкү жыйынга катышкан жок.

Белгилей кетсек, өткөн жумада парламенттин трибунасынан эл өкүлү Адахан Мадумаров эл өкүлдөрү Кыргызстандагы башаламандыктарга кайдыгер карап отурбашы керектигин айтып чыккан болчу.