"4 миллион сом тапкан". Эдил Байсаловдун 2021-жылга декларациясы

Министрлер кабинетинин төрагасынын орун басары Эдил Байсалов 2021-жылы 4 миллион сом киреше тапкан. Бул тууралуу Мамлекеттик салык кызматынын маалыматында айтылат.

Ага ылайык, Байсалов 2021-жылы 4 172 468 сом иштеп тапкан, ал эми чыгашасы көрсөтүлгөн эмес. Ошондой эле анын наамына 125,89 чарчы метрлик батир катталган. Ал эми жакын туугандарынын кирешеси жана мүлкү тууралуу маалымат көрсөтүлгөн эмес.

Салык кызматы саясий кызматтагылардын 2021-жылдагы декларациясын жарыялады. Тизме башында президент Садыр Жапаров турат.