Тажикстандын агрессиясы: Баткенде жалпы 30 үй колдонууга берилди

Баткенде дагы 11 жаңы үй бүттү, жалпы 30дан ашык турак жай колдонууга берилди. Бул тууралуу президенттин маалымат кызматынын жетекчиси Дайырбек Орунбеков Фейсбуктагы баракчасына жазды.

Ал белгилегендей, үй ээлерине мамлекет тарабынан 100 миң сом акчалай түрүндөгү жаңы жылдык белек тапшырылды.

Эске сала кетсек, 2022-жылдын 14-17-сентябрь күндөрү Тажикстандын куралдуу кол салуусунан улам 63 Кыргыз жараны каза болгон. Мындан сырткары 200гө жакын жаран жабыркап, 200 миңге жакыны коопсуз аймакка эвакуацияланууга аргасыз болгон. Ошол эле учурда социалдык объектилер жана жеке турак үйлөр зыянга учураган.