Министрлик окуучуларды онлайн окутууну сунуштады

Өлкөдө жакынкы күндөрдөгү катуу суукка байланыштуу окуучуларды онлайн окутуу сунушталууда.

Буга байланыштуу Саламаттык сактоо министрлиги Билим берүү жана илим министрлигине окуучуларды онлайн окутууну сунуштаган.

Ал эми Билим берүү жана илим министрлигинде аталган маселе боюнча жыйын өтүп жатат. Анын жыйынтыгында чечим кабыл алынарын мекемеден маалымдашты.

Эске салсак, буга чейин ӨКМ өлкөдө 11-январдан тарта өтө катуу суук болушу күтүлөрүн маалымдаган. Өлкөдө окуучулардын кышкы каникулу 30-декабрда башталып, 10-январга чейин созулат.

Республика боюнча жалпы 2333 мектеп бар. Анда 1 миллион 400 миңден ашык окуучу билим алып келет.