Ноокатта мечиттерде уурулук жасап жүргөн 27 жаштагы жаран кармалды

Ноокат районунда мечиттерден акча уурдаганга шектелип 27 жаштагы жаран кармалды. Бул тууралуу Ош облустук милициясынан билдиришти.

Маалымдалгандай, 2022-жылдын 11-декабрынан 12-декабрына караган түнү милицияга кабар келип түшкөн. Анда Ноокат районунун Көк-Жар айыл аймагында жайгашкан “Жийде” борбордук мечитиндеги темир кутучада турган 46 000 сом акчаны белгисиз атуулдар уурдап кетишкендиги тууралуу кабар беришкен.

Жогорудагы маалымат каттоого алынып, кылмыш иши козголгон.

Ыкчам иш-чаралардын негизинде Баткен облусунун тургуну 27 жаштагы К уулу Б. аттуу жаран шектүү катары кармалган. Анын Ноокат районунун аймагында жайгашкан бир канча мечиттерде уурулук жасаганы аныкталган.

Учурда тергөө амалдары уланууда.