Бишкек-Ош жолуна кар көчкү түшүп, бир унааны басып калды (фото)

Бишкек-Ош унаа жолу кар көчкү түшкөндүгүнө байланыштуу убактылуу жабылды. Бул тууралуу Жол кыймылынын коопсуздугун камсыздоо башкармалыгынан билдиришти.

Кар көчкү кечээ, 10-январь күнү саат 23:00дө Бишкек-Ош унаа жолунун 132-чакырымына түшкөн. Мындан улам жол жабылды.

Кар көчкүдөн улам Жайыл районундагы "Сосновка" постунда унаанын бардык түрүнө убактылуу чектөөлөр киргизилди.

Учурда кызматкерлер күчөтүлгөн тартипте кызмат алып барууда.

Социалдык тармактарда кар көчкү Тойота Эстима үлгүсүндөгү унааны басып калган видео тарады. Бактыга жараша, эч ким жаракат алган эмес. Кызматкерлер унааны чыгарышкан.