Милиция жансыз денеси табылган аялдын аты-жөнүн аныктоого жардам сурайт

Баткен облустук милициясы калаада жансыз денеси табылган аялдын аты-жөнүн аныктоо үчүн коомчулуктан жардам сурайт.

Милиция кызматы билдиргендей, 2023-жылы 10-январда жаран Ш.А. Баткен ШИИБнин нөөмөт бөлүгүнө чалып, Баткен шаарынын К.Турмаматов көчөсүндөгү үйдүн ичинде бейтааныш аялдын жансыз денеси жатканы тууралуу билдирген.

Аталган факты 2023-жылдын 10-январь күнү Баткен ШИИБинин маалыматтардын электрондук каттоо журналына катталган.

Өзгөчө белгилери: Жашы 45-50 чамаларында, бою 155-165 сантиметр, кашы, көзү кара, арык чырай дене түзүлүштө, чачы кыска жана психикалык жактан жабыркаган. Өзүн Санабар деп таныштырып жүргөн.

Кийген кийимдери: Үстүндө кара түстөгү узун күрмө, кара шым, көк түстөгү свитер.

Милиция маркумдун аты-жөнү аныкталбай жана жакын туугандары табылбай жатканына байланыштуу ал тууралуу кандайдыр-бир маалымат билгендер болсо төмөнкү телефондор аркылуу кабарлап коюуну суранат: (03622) 5-00-68, 0508 03 16 35.