Акыйкатчы институту 4 миллион сомго жакын каражатты үнөмдөп, мамлекеттик бюджетке кайтарды

2022-жылдын жыйынтыгы боюнча өлкөнүн акыйкатчысы 4 миллион сомго жакын каражатты үнөмдөп, мамлекеттик бюджетке кайтарды.

Маалымдалгандай, 2022-жылга Акыйкатчы институтуна бюджеттен 60 146,6 миң сом каралган.

Анын ичинен 86 пайызы эмгек акыга жана Социалдык фондго чегерүүлөргө, командировкаларга - 1,8 пайыз, коммуналдык кызматтарга - 3,2 пайыз, транспорт кызматтарына - 1,9 пайыз, башка товарларды жана кызматтарды сатып алууга - 1,6 пайыз, учурдагы оңдоого - 3,1 пайыз (пайдаланылган эмес) жана башка чыгымдарга.

"2022-жылдын августунда президенттин мамлекеттик кызмат системасын реформалоонун алкагында акыйкатчы аппарат кызматкерлеринин эмгек акысын эки эсеге көбөйткөн", - деп айтылат билдирүүдө.

Бул үчүн республикалык бюджеттен кошумча каражат – 24 миллион сомго жакын бөлдүрүү керек эле. Бирок акыйкатчы аппаратынын ишин кардиналдуу реформалоо менен мамлекеттик ресурстарды оптималдаштыруунун натыйжасында бюджеттик каражаттарды олуттуу үнөмдөөгө жетишүү мүмкүн болду.

"Кошумча каржылоону талап кылбастан бекитилген бюджеттин чегинде иш алып баруу менен 2022-жылдын жыйынтыгы боюнча Кыргыз Республикасынын акыйкатчысы (омбудсмени) Атыр Абдрахматова 4 миллион сомго жакын каражатты үнөмдөп, мамлекеттик бюджетке кайтарды", - деп кошумчаланат маалыматта.