19 жаштагы кыргызстандык жаш ырчы Малайзиянын "MeleTOP" телешоусуна катышты

19 жаштагы кыргызстандык жаш ырчы Амирчик (Амирхан Батабаев) Түштүк-Чыгыш Азиядагы башкы телешоу болуп саналган "MeleTOP" телешоусуна катышты.

Анда Амирчик дүйнөлүк Shazam-200 чартына чыккан "Эта любовь" ырын аткарган. Мындан сырткары, жаш ырчы алдыга койгон пландары жана 20-февралда Малайзияда өтө турган концерти тууралуу айтып, айрым ырларын малай тилинде аткарып берген.

Белгилей кетсек, Амирхан Батабаев 2003-жылы Бишкектин четиндеги Учхоз айылында туулуп-өскөн. Ал ТикТокто популярдуу болгон "Эта любовь" ыры менен белгилүү. Анын бул ыры дүйнөлүк Shazam-200 чартына чыгып, бир нече күндөн кийин эле Азиядагы бардык хит-параддарда лидерликти ээлеген.