Кыргыз-өзбек алакасы: Бизнес-форумдун алкагында товарлардын көргөзмөсү өтүүдө

Бишкекте "Кыргызстан - Өзбекстан" бизнес-форумунун алкагында эки өлкөнүн товарларынын көргөзмөсү өтүп жатат.

Көргөзмөдө эки өлкөдө өндүрүлгөн продукциялардын түрүн көрүүгө болот.

Кыргыз-өзбек форуму Өзбекстандын президенти Шавкат Мирзийоевдин Кыргызстанга мамлекеттик сапарынын алкагында өтүп жатат.

Расмий бөлүктөн кийин эки өлкөнүн ишкерлери бизнес-өнөктөштүктү түзүү жана кеңейтүү үчүн В2В жолугушуусун өткөрөт.

Бизнес-форум эки тараптуу кызматташтыкты өнүктүрүү жана Кыргызстан менен Өзбекстандын ишкерлеринин ортосунда ишкердик мамилелерди түзүү үчүн маанилүү окуя болуп саналары белгиленүүдө.