"Жазга бир кадам". Быйыл борбор калаага канча гүл отургузулары белгилүү болду

Бишкек жашыл чарбанын №1-оранжереясында жылдык гүлдөрдүн биринчи себилиши болуп өттү. Бул тууралуу шаардык мэриянын маалымат кызматынан билдиришти.

Маалыматка ылайык, биринчи партия бир жылдык гүлдөрдүн 300 миң уругун түзүп, жакын арада аларда тамыр пайда болот. Кийинчерээк, биздин кызматкерлер атайын жол-жобо менен ачык жерге отургузганда тамырга зыян келбеши үчүн биринчи идиштерге отургузулат.

Жайында борбордо калаабызда 1 000 600 гүл ачылат.

"Бишкекжашылчарбанын" эмгекчил кызматкерлеринин көзөмөлү астында гүлдөр күнөсканаларда өсөт. Эске салсак, бул жылы гүлзарларда сальвия, тагетес, цинния, георгин, агератум жана башкалар менен кооздолот.

Эскерте кетсек, Бишкек шаарынын муниципалдык аймагындагы бак-дарактарды жашылдандыруу жана санитардык бутоо маселелери боюнча төмөнкү номерлер аркылуу кайрылсаңыздар болот:

- Свердлов району боюнча: 0505 243 366;
- Октябрь району боюнча: 0701 311 004;
- Биринчи май району боюнча: 0701 321 008;
- Ленин району боюнча: 0555 352 569.