Бишкекте кыргыз-азербайжан достугун даңазалаган концерт өттү

Бишкекте Кыргызстан менен Азербайжандын достугун даңазалаган концерт өттү. Бул тууралуу Маданият, маалымат, спорт жана жаштар саясаты министрлигинин басма сөз кызматы билдирет.

Маалым болгондой, кечээ, 1-февраль күнү Токтогул Сатылганов атындагы улуттук филармонияда Кыргызстан менен Азербайжандын дипломатиялык мамилелеринин 30 жылдыгына арналган классикалык музыкалардын концерти болуп өттү.

Эки элдин достугун бекемдөөгө арналган салтанаттуу маданий иш-чарага мамлекеттик катчы Сүйүнбек Касмамбетов, тышкы иштер министри Жээнбек Кулубаев, Азербайжан мамлекетинин Кыргызстандагы атайын жана ыйгарым укуктуу элчиси Латив Гандилов, коомдук жана мамлекеттик ишмер Медеткан Шеримкулов, Кыргыз эл артисти Муратбек Бегалиев, көрүнүктүү маданият ишмерлери жана өлкөдөгү азербайжан диаспорасынын өкүлдөрү катышкан.

"Буга чейин президент Садыр Жапаров менен Азербайжан мамлекетинин президенти Илхам Алиев Кыргызстанда жана Азербайжанда жолугушуп, эки өлкөнүн экономикалык кызматташтыгын бекемдеген бир катар маанилүү келишимдерге кол коюшкан.