Новосибирскте көп кабаттуу үйдүн жарылуусунан эки кыргызстандык жабыркады

Орусиянын Новосибирск шаарында турак жайдагы жарылуудан Кыргызстандын эки жараны жабыркады. Бул тууралуу Тышкы иштер министрлигинин басма сөз кызматы билдирди.

Окуя кечээ, 9-февраль күнү эртең менен Новосибирск шаарында болгон. Анда 1974-жылы курулган беш кабаттуу үйлөрдүн газ жарылуусу болгон. Натыйжада Кыргызстандын эки жараны – 1993-жылды туулган А.уулу Т. жана 1978-жылы туулган А.А.К. жабыркаган. Ал ошол турак үйдө ижарага алган батиринде жашачу.

А.уулу Т. газга ууланган. Анын абалы орточо оор деп бааланууда. Ал Новосибирск шаарынын 34-шаардык ооруканасынын токсикология бөлүмүнө жаткырылган.

Омурткасы сынган А.А.К. Я.Л.Цивян атындагы Новосибирск травматология жана ортопедия илим-изилдөө институтуна жаткырылып, ага операция жасалган.