Садыр Жапаров расмий сапар менен Будапешт шаарына барды

Президент Садыр Жапаров расмий сапар менен Венгриянын Будапешт шаарына барды. Бул тууралуу президенттик администрациянын маалымат кызматынан билдиришти.

Маалыматка караганда, президентти Венгриянын президенттик администрациясынын башчысы Геркели Эклер тосуп алды.

Расмий сапардын алкагында мамлекет башчысы Венгриянын жогорку жетекчилиги менен эки тараптуу сүйлөшүүлөрдү өткөрөт. Ошондой эле өлкөнүн бизнес чөйрөсүнүн өкүлдөрү менен жолугушуу жана башка расмий иш-чаралар мерчемделген.

Сапардын алкагында бир катар эки тараптуу документтерге кол коюу пландаштырылган.