Чүйдө төрөлгөн 4 эм наристеге ысым коюлду

Чүй облустук төрөт үйүндө төрөлгөн 4 эмге Айтегин, Самира, Амина жана Алия ысымдары ыйгарылды. Азыркы күндө ымыркайлардын жана энесинин абалдары жакшы.

Маалым болгондой, аларга туулгандыгы тууралуу күбөлүктөрү салтанаттуу түрдө тапшырылды.

"Санариптик өнүктүрүү министрлигине караштуу Калкты каттоо департаментинин кызматкерлери төрөт үйүнө барышып, ымыркайлардан кабар алып, алардын ата-энесин куттуктап, белектерин беришти. Андан соң дароо “Балага сүйүнчү” бир жолку жөлөк пул алууга документтер толтурулду", - деп айтылат маалыматта.

Маалымат үчүн: 10-февралда Чүй облустук төрөт үйүндө төрт эм жарык дүйнөгө келгени маалымдалган.