Бишкекте эл аралык тил күнүнө карата фестиваль өттү (сүрөт)

Бишкекте "Мамлекеттик тил – достуктун жана биримдиктин тили" аталышында фестиваль өткөрүлдү. Бул тууралуу мэриядан билдиришти.

Белгилүү болгондой, фестиваль "21-февраль – Эл аралык эне тил күнүнө" карата Т.Абдумомунов атындагы Кыргыз мамлекеттик академиялык драма театрында өттү.

Анда «Эл аралык эне тил күнү» деп жарыяланып калгандыгы тууралуу, ошондой эле бул күн 2000-жылдан бери дүйнөнүн көптөгөн өлкөлөрүндө ар бир улуттун тилин сактоо жана коргоо максатында эне тил күнү катары майрамдалып келе жаткандыгы айтылды.

Шаардык фестивалга борбор калаада жашаган 9 этностун (кыргыз, орус, өзбек, дунган, уйгур, казак, татар, азербайжан, карачай) өкүлдөрү катышты. Алар өз улуту жөнүндө эне тилинде маалыматтарды айтышты. Мындан тышкары ар улуттун өкүлдөрүнүн катышуусундагы майрамдык концерт коюлду.