Бишкекте бир аптада 6 миңден ашык жол эрежесин бузуу катталды

Бишкек шаарынын айланасында 10-февралдан 17-февралга чейин 6737 жол эрежесин бузуу катталды. Бул тууралуу Милициянын кайгуул кызматынын маалыматында жазылат.

Анын ичинен:

• мас абалында унаа башкарган - 69;
• унаанын терезелерин караңгылаткан -23;
• жол белгилеринин талаптарын аткарбаган - 4207;
• тиешелүү документи жок унаа башкарган - 72;
• жөө жүрүүчүнүн жол кыймылынын эрежелерин бузган - 200;
• коопсуздук курларын пайдалануу эрежелерин бузган - 1112;
• башка бузуулар - 783;

Белгилүү болгондой, 614 унаа атайын токтотуучу жайга киргизилген.

Милициянын кайгуул кызматы айдоочуларды жол эрежесин так сактоого чакырат.