Садыр Жапаров дагы 2 жетекчиге генерал-майор наамын ыйгарды

Өлкө башчы Садыр Жапаров көзөмөлдөө органынын жетекчилерине генералдык наамдарды тапшырды. Бул тууралуу Башкы прокуратуранын маалымат кызматынан кабарлады.

Маалыматка ылайык, 25-февралда өткөн жогорку наамдарды тапшыруу аземинде төмөнкүлөргө генералдык наам ыйгарылды:

- Башкы прокурордун орун басары Сагындык Мукашовго "генерал-майор” аскердик наамы;

- Башкы прокурордун орун басары Кубан Адыл уулуна “юстициянын генерал-майору” атайын наамы.

Ага чейин мамлекет башчысынын жарлыктары менен укук коргоо жана бажы органдарынын төмөнкү кызматкерлерине генералдык наамдар берилгени кабарланган:

- Баткен ОИИБинин башчысы Мурат Бороновго "милициянын генерал-майору" наамы;

- ИИМ Академиясынын начальниги Тариель Абитовго "милициянын генерал-майору" наамы;

- Финансы министрлигине караштуу Мамлекеттик бажы кызматынын төрагасы Самат Исабековго "бажы кызматынын генерал-майору" наамы.