SUPER.KG порталы 8-март айымдардын Эл аралык күнү менен куттуктайт!

8-Март - бүткүл дүйнөлүк аялдардын экономикалык, социалдык жана саясий теңчилиги үчүн күрөштө эл аралык тилектештигин белгилөө күнү катары кабыл алынат. 1910-жылы Копенгаген шаарында социалист аялдардын II эл аралык конференциясында Германиядагы Коммунисттик партиянын негиздөөчүлөрүнүн бири Клара Цеткин аялдардын эл аралык майрамын белгилөөнү сунуштаган. Бул күндү дүйнө эли ошол жылдан тарта белгилеп келишет.

SUPER.KG порталынын эмгек жамааты айымдарды бүгүнкү 8-Март - Аялдардын Эл аралык күнү менен куттуктайт. Аялзат - үй-бүлөнүн куту. Аялзатына дүйнөнү көрккө бөлөгөн боорукерликтин улуу күчү ыйгарылган. Айымдардын үй-бүлөнү чыңдоого, бала тарбиялоого жана жумушунда жоопкерчиликтүү ишти аткарып, бардык тармакка кошкон салымы чексиз. Алардын кыргыз элинин маданиятын, бүтүндүгүн, мамлекеттүүлүгүн сактап калууда салымы чоң. Бардык аялзатына чексиз бактылуулук, үй-бүлөсүнө ынтымак, ишине албан ийгиликтерди каалайбыз!