Коопсуздук кеңешинин катчысы Марат Иманкулов ЖККУнун башкы катчысы менен жолукту

Коопсуздук Кеңешинин катчысы Марат Иманкулов Жамааттык коопсуздук келишим уюмунун башкы катчысы Имангали Тасмагамбетов менен жолугушту. Бул тууралуу бүгүн, 11-мартта президенттин маалымат кызматынан кабарлады.

Маалыматка ылайык, жыйындын жүрүшүндө ЖККУнун учурдагы практикалык ишмердүүлүгүнүн маселелери, анын ичинде уюмдун Коопсуздук кеңештеринин катчыларынын комитетинде мурда кабыл алынган чечимдеринин аткарылышынын жүрүшү жана 2023-жылга пландаштырылган иш-чаралардын аткарылышы талкууланды.

Ошондой эле аймактык коопсуздук маселелери, ошондой эле учурдагы жаңы чакырыктарга жана коркунучтарга натыйжалуу жооп кайтаруу контекстинде эл аралык күн тартибиндеги актуалдуу окуялар боюнча пикир алмашуу болду.

Марат Иманкулов Кыргызстандын ыйгарым укуктуу органдары мурдагыдай эле ЖККУнун дараметин жана кадыр-баркын бекемдөөгө, конструктивдүү жана активдүү салым кошууга даяр экенин билдирип, уюмдун жаңы дайындалган башкы катчысы Имангали Тасмагамбетовго ийгиликтерди жана жаңы жетишкендиктерди каалады.