Айып пул көбөйгөндөн кийин жол эрежесин бузгандар азайдыбы? ИИМдин жообу

Өлкөдө жол коопсуздугу боюнча жаңы эрежелер киргенден баштап жол кырсыгынын саны 12 пайызга кыскарды. Бул тууралуу Ички иштер министрлигинен билдиришти.

Эске салсак, ушул жылдын 8-мартынан тарта эреже сактабаган айдоочуларга жазаны катаалдаштыруу мыйзамы күчүнө кирген.

Маалыматта жол эреже бузуулар боюнча мыйзамга кошумча өзгөртүүлөр кирген күндөн бери өткөн жылга салыштырмалуу өтө жогорку ылдамдык менен айдоо, карама каршы тилкеге чыгуу, машинаны айдоочулук күбөлүгү жок айдоо, жол чырагынын кызыл түсүнөн өтүп кетүү азайганы айтылат.

"Жыйынтыгында Кыргызстанда 2023-жылдын 8-мартынан ушул күнгө чейинки көрсөткүч боюнча жол кырсыктарынын саны былтыркы жылдын ушул маалына салыштырмалуу дээрлик 12 пайызга кыскарды", - деп айтылат билдирүүдө.