Ырчы Азиз Батыров чыгармачыл чөйрөдөгү кесиптеши ага бут тосуп жатканын айтты

Ырчы, дастанчы Азиз Батыров ага бут тосуу болуп жатканын билдирди. Ырчы мырза анын атын атагысы келбей, болгону ал инсан чыгармачыл чөйрөдөн экенин айтат.

“Чыгармачылыкта эмгектенген эле белгилүү адам тарабынан бут тосуу, кысым болуп жатат. Жашоодо ар кандай кара ниет адамдар менен кездешет экенбиз. Аларга өзүнө жараша жооп бериш керек. Мен өзүмдү эч кимге тебелетип койбойм, элибизде жакшы бир макал бар, “катылгандын катыгын бер” деген, ушул сөз бекеринен айтылбаса керек.

Калганын көрө жатарбыз. Алкымы чоң кай бирөөлөрдүн чыныгы жүзү ачылып кетпесе экен дейм да”, - дейт Батыров.